မျှော်လင့်ချက်တွေပြည့်ဝတဲ့ မင်္ဂလာနှစ်သစ်ဖြစ်ပါစေ

မြန်မာနှစ်သစ် ၁၃၈၅အတွက် ကောင်းမွန်တဲ့ Energy တွေ ကိုယ့်ဘဝထဲစီးဝင်ပြီး ကံကောင်း ကံမြင့်စေဖို့ အတွက် မြန်မာနှစ်ဆန်း (၁)ရက်နေ့မှာ စိမ်းပြုလုပ်မယ့် spiritual practice လေးတွေကို စိမ်းနဲ့အတူတူ လိုက်လုပ်ချင်တဲ့သူများအတွက် sharing လုပ်ပေးချင်ပါတယ်။

ပြုလုပ်မယ့်နေရာမှာ အဆင့် (၂) ဆင့် ရှိပါတယ်..

Negative Energy Cleansing / Purification

Energizing / Power-up ဖြစ်ပါတယ်

အားလုံးသိတဲ့အတိုင်း ကောင်းတဲ့အရာတွေကိုလက်ခံဖို့က မကောင်းတဲ့အရာတွေကို အရင်ဆုံးရှင်းလင်းမှရပါတယ်။

ကိုယ်နေတဲ့ ပတ်ဝန်းကျင်ကို ရှင်းလင်းတဲ့ Decluttering ကတော့ အတော်များများသိပြီးသားဖြစ်နေလို့ ဒီတစ်ခါတော့ ကိုယ့်ဘေးနားက မမြင်ရတဲ့ negative energy တွေ ၊ မိစ္ဆာဓာတ် ( Evil Energy) တွေ၊ ကိုယ့်ရဲ့လာဘ်လာဘ ပိတ်ဆို့နေစေတဲ့ Energy Blockages တွေကို ရှင်းလင်းထုတ်တဲ့နေရာမှာ အင်မတန်စွမ်းအင်မြင့်မားတဲ့ Conch Sound ဆိုတဲ့ ခရုသင်းမှုတ်သံအကြောင်းပြောပြချင်ပါတယ်။

Spiritual ပိုင်းဆိုင်ရာ ယုံကြည်မှုတွေအရ ခရုသင်းမှုတ်သံဟာ မိမိပတိဝန်းကျင်မှာရှိတဲ့ မကောင်းတဲ့ energy တွေကို သန့်စင်စေတဲ့ အစွမ်း ( Purification Effect for Environment from all evil effects / negative frequency) ရှိပါတယ်။ ဒါ့အပြင် ခရုသင်းမှုတ်သံဟာ မျှော်လင့်ချက်တွေပြည့်ဝဖို့ ၊ စိတ်စွမ်းအင် ( willpower) တိုးတက်ဖို့လည်း အထောက်အပံ့ပြုနိုင်တဲ့ အသံစွမ်းအင်ဖြစ်ပါတယ်။

ခရုသင်းမှုတ်သံဟာ မိစ္ဆာဓာတ်တွေ Negative Frequency တွေကို မောင်းထုတ်နိုင်တဲ့အကြောင်းကို ၂၀၂၀ ခုနှစ်က ဆရာကြီး နျူမာန် မိုးတားရေးဖူးတဲ့ post လေးတစ်ပုဒ်မှာလည်း ထပ်ပြီး မှတ်သားရဖူးပါတယ်။

ဟိုးရှေးပဝေသဏီတည်းက တစ်ကမ္ဘာလုံးရဲ့ ရှေးလူမျိုး အတော်များများရဲ့ အခမ်းအနားတွေ ၊ လက်ထပ်ပွဲတွေ ၊ အရေးကြီးတဲ့ပွဲတွေ၊ အောင်မြင်မှုကို ဂုဏ်ပြုပွဲတွေမှာ ခရုသင်းတူရိယာကို အသုံးပြုကြပါတယ်။ ဟိဒ္ဓူဘာသာဝင်တွေနဲ့ တိဘက်လူမျိုးတွေရဲ့ ပွဲလမ်းသဘင် တချို့မှာလည်း ယခု ခေတ်ကာလ အချိန်အထိကို ခရုသင်းမှုတ်သံ ကို ယုံယုံကြည်ကြည် အသုံးပြုကြပါတယ်လို့ စာတွေထဲ ဖတ်ရပါတယ်။

အဲ့ဒီအတွက် စိမ်းအနေနဲ့ ပထမပိုင်းဖြစ်တဲ့ Purification Effect (မကောင်းတဲ့ Energy တွေကို ရှင်းလင်း သန့်စင်ခြင်း) အတွက် နှစ်ဆန်း ၁ ရက်နေ့ နံနက်မှာ ခရုသင်းမှုတ်သံ (Conch sound) ကို ဖွင့်ထားမှာဖြစ်ပါတယ်။ စိမ်း you tube ကနေ Conch Sound ဖွင့်တဲ့ link လေးဖြစ်ပါတယ် (၇ မိနစ်ပဲကြာပါတယ်) ။

စိမ်းကတော့ ဒီခရုသင်းမှုတ်သံလေးကို အိမ်မှာ မနက်တိုင်း ဖွင့်ဖြစ်ပါတယ်။

ပတ်ဝန်းကျင်က Negative Energy တွေ၊ Energy Blockages တွေကို ရှင်းလင်း သန့်စင်ဖို့လိုသလို ကိုယ့်ရဲ့ ရုပ်ခန္ဓာ( physical body ) ကလည်း အရေးကြီးတဲ့အတွက် စိမ်းကတော့ အတက်နေ့ နေ့လည် (၁၂) နာရီကနေ နှစ်ဆန်း (၁) ရက်နေ့ နေ့လည် (၁၂) နာရီအထိ 24hours fasting လုပ်ပြီး cellular level ( ဆဲလ်တစ်လုံးချင်းစီအထိ) Deep down purification ကိုသွားဖို့ စိတ်ကူးထားပါတယ်။

Intermittent fasting and Autophagy ဟာ spiritual သမားတွေအတွက် ဘယ်လောက်အရေးပါတဲ့အကြောင်း စိမ်းရဲ့ New Energy Attunement သင်တန်းမှာ သင်ခန်းစာတစ်ခုအနေနဲ့ ရှင်းပြပြီးဖြစ်ပါတယ်။

အခုလိုမျိုး မိမိကိုယ်ကိုယ်ရော ၊ ပတ်ဝန်းကျင်ရဲ့ egative energy တွေကိုပါ သန့်စင်တဲ့ အပိုင်းပြီးပြီဆိုရင်တော့ ကောင်းမွန်တဲ့ Energy တွေနဲ့ မိမိကိုယ်ကိုယ် Energizing / Power-up ပြန်လုပ်ရမှာဖြစ်ပါတယ်။

အဲ့ဒီအပိုင်းအတွက်ကတော့ မိမိရဲ့ဘာသာတရားအလိုက် ဘုရားကျောင်းဆောင်သန့်ရှင်းပြီး ဘုရားရှိခိုးခြင်း၊ မေတ္တာပွါးများခြင်း ၊ ဥပုသ်ယူချင်သူများက ဥပုသ်သီလဆောက်တည်ခြင်း ၊ ပေးကမ်းလှူဒါန်းခြင်း၊ Meditation ၊ Energy work၊ Grounding၊ Sound Healing ၊ Crystal Healing၊ Breathwork ၊ Yoga ၊ Journaling၊ Intention Setting စတာတွေကို မိမိနှစ်သက်သလို ပြုလုပ်နိုင်ပါတယ်။

စိမ်းကတော့ ဘုရားရှိခိုး ၊ မေတ္တာပို့ အမျှပေးပြီးရင် Reiki 5 principles run တာ ( 5 principles run တာကို 2022 Energy work မှာ သင်ကြားပေးဖူးပါတယ်) ၊ ဒီနှစ်သစ်အတွက် ကိုယ်မျှော်မှန်းတဲ့ Intention setting ကို ဆရာသခင်တွေနဲ့ ချိတ်ဆက်ပြီး Energy run တာ ၊ ကိုယ်ထိုင်နိုင်သလောက် ၁၅မိနစ်- နာရီဝက်လောက် meditation ပြုလုပ်တာတို့နဲ့ ကိုယ့်ရဲ့ Energy ကို power- up မှာဖြစ်ပါတယ်။

Abundance Energy ဟာ Generosity ဆိုတဲ့ ပေးကမ်းခြင်း စွန့်လွှတ်ခြင်း ရက်ရောခြင်းက စတာဖြစ်တဲ့အတွက် စိမ်းအနေနဲ့ နှစ်ဆန်း (၁) ရက်နေ့မှာ နွမ်းပါးမိသားစုတွေအတွက် ဆန်လှူတာ ၊ ထမင်းကျွေးတာ ၊ ရေရှားပါးနေတဲ့အရပ်တွေကို သောက်သုံးရေလှူတာ စတဲ့ ကုသိုလ်တွေပြုလုပ်ထားပါတယ်။

ပေးကမ်းတယ်ဆိုတာ ငွေပေးမှ ပေးတာမဟုတ်ပါဘူး။ ကိုယ်သိတာကို sharing လုပ်တာ ၊ ပြောပြတာ ၊ သူများလိုအပ်တာကို ကူညီတာ ၊ ကြင်နာပေးတာ၊ နောက်ဆုံးပြုံးပြတာလေးကအစ ပေးကမ်းခြင်း မည်ပါတယ်။ ကိုယ်တတ်နိုင်တာ ကိုယ်ပေးလို့ရပါတယ် ။ အရေးကြီးတာ ဘာပဲပေးပေး Intention ဆိုတဲ့ စေတနာပါပဲ။

မြန်မာ သက္ကရာဇ် ၁၃၈၅ ခုနှစ် မှာ မကောင်းတဲ့ Energy တွေကို သန့်စင်ပြီး ကောင်းမွန်သော သိဒ္ဓိဓာတ်များ ( Positive Energy ) ရစေပြီး ကောင်းသော ကံသတ္တိများကို ဆွဲခေါ်ဖို့အတွက် အထောက်အပံ့ဖြစ်စေမယ့် spiritual practice လေး တချို့ကို နှစ်ဆန်း (၁) ရက်နေ့မှာ ပြုလုပ်နိုင်ဖို့ အတွက် မျှဝေပေးလိုက်ရပါတယ်။

မျှော်လင့်ချက်တွေပြည့်ဝတဲ့ မင်္ဂလာနှစ်သစ်ဖြစ်ပါစေ