𝑻𝒉𝒆 𝑨𝒓𝒕 𝒐𝒇 𝑺𝒖𝒓𝒓𝒆𝒏𝒅𝒆𝒓𝒊𝒏𝒈

အခုကာလတွေဟာ spiritual journey မှာ စိမ်းတို့တွေ တွင်တွင်ပြောနေကြတဲ့ စိတ်လျှော့တယ်ဆိုတဲ့အရာကို

နင်ဘယ်လောက်ထိ စိတ်လျှော့နိုင်လဲ …

ကိုယ်ထိန်းချုပ်မရတဲ့ အရာတွေကို နင်ဘယ်လောက်လက်ခံနိုင်လဲ …

တနည်းအားဖြင့် ဘယ်လောက်ထိ surrender လုပ်နိုင်လဲ

Stop Thinking ဆိုတာရော တကယ်လက်တွေ့ကြုံလာတဲ့အခါ တကယ်လုပ်နိုင်ရဲ့လားဆိုတာကို

လောကကြီးက နေ့တိုင်းစမ်းသပ်နေတဲ့ ကာလတွေပါပဲ…

နောက်ပြီး ဒီတလောလာတဲ့ စာမေးပွဲတွေဟာ ကိုယ်ဖြတ်သန်းလာတဲ့ Journey မှာ ကြုံဖူးနေကြ ၊ မြင်ဖူးနေကြ စိမ်းပြောနေကျစကားအတိုင်းဆို မေးခွန်းဟောင်း (Old Question) တွေထက် လူတိုင်းရဲ့ ဘဝမှာ မထင်မှတ်ထားတဲ့ လောကဓံတွေ ၊ မမျှော်လင့်ထားတဲ့ ထိုးနှက်ချက်တွေ နဲ့ တခါမှ မဖြေဘူးတဲ့ မေးခွန်းသစ်တွေကို ဖြေရသလိုကာလတွေပါ။

ကိုယ်နဲ့ကိုယ်ရဲ့ inner-self နဲ့လည်း စိတ်တိုက်ပွဲဝင်နေရတဲ့ ၊ အပြန်အလှန်အားပြိုင်နေတဲ့ အချိန်တွေ ၊ ဘာမှ ဆက်မလုပ်ချင်တော့ဘဲ လွှတ်ချလိုက်ချင်တဲ့ အချိန်တွေဖြစ်ပါတယ်။

ဂြိုဟ်ခွင်အပြောင်းအလဲတွေနဲ့ Eclipse season ကလည်း ဖြစ်နေတာမို့ ကိစ္စတွေဟာ ဖြည်းဖြည်းချင်းလာတာမဟုတ်ဘဲ Explosion အားကြီးပြီး ဖြစ်လိုက်ရင်ပေါက်ကွဲအားပြင်းထန်တဲ့ ဒဏ်ကိုပါ တပြိုင်တည်းခံစားရပါတယ် ။ ညင်သာတဲ့ လှိုင်းလေးတွေမဟုတ်ဘဲ လှိုင်းလုံးကြီးတွေက တစ်ခုမပြီးသေးတဲ့အချိန် နောက်တစ်ခု ပုတ်ချသလိုခံစားရပြီး အဘက်ဘက်က ထွက်ပေါက်ပိတ်သလို ဖြစ်နေတဲ့ ကာလတွေပါပဲ ။

Ascension ကာလတွေဖြစ်တဲ့ အတွက် ဆန်တက်ရတဲ့အခါ ပင်ပန်းပါတယ်။ စုန်ဆင်းလိုက်တဲ့ ကိစ္စတွေကတော့ သံသရာနဲ့ ချီပြီး လုပ်လာတဲ့အတွက် လွယ်ပါတယ်။

သိပ်ပြီးပင်ပန်းလာတဲ့အခါ

အတင်းဇောကပ်ပြီးမလုပ်ဘဲ၊ အတင်းကြိုးစားမနေဘဲ ခဏတာ Break ယူပါ ။

တတ်နိုင်သလောက် တစ်ယောက်တည်းနေပြီး Self – Healing လုပ်ပါ ။

လူတိုင်းနီးပါး emotional ဖြစ်နေချိန်၊ ကိုယ့်အတွေးနဲ့ကိုယ်ရှုပ်နေတတ်ချိန်မို့ ဒီကာလမှာ စကားများများပြောလေလေ emotion တွေပါလေလေ ၊ ပြဿနာကြီးလေလေ ဖြစ်နိုင်လို့ တတ်နိုင်သမျှ silence နေပါ ။

Grounding လွတ်သွားတာနဲ့ ခံစားချက်တွေပြင်းထန်ပြီး စိတ်ထင်ရာတွေလုပ် ပေါက်ကွဲနိုင်တဲ့ energy ရှိနေလို့ Grounding များများလုပ်ပါ

ရာသီဥတုအရရော ၊ Grounding ကို အထောက်အကူပြုဖို့ရော သတိထားပြီး ရေများများသောက်ပေးပါ ။

ဘာမှမလုပ်နိုင်တဲ့ အခြေအနေတွေမှာ တစ်ခုခုကို သင်ယူနေတာ အကောင်းဆုံးဖြစ်လို့ မိမိဝါသနာပါရာ ၊ စိတ်ဝင်စားရာတွေရှိတဲ့ စာအုပ်တွေ ၊ video တွေ၊ ရုပ်ရှင်တွေနဲ့ပဲ အချိန်ကိုအများဆုံးအသုံးချပါ။

မိမိထက်ခက်ခဲနေသူတွေကို တတ်နိုင်သလောက် လူအား ၊ ငွေအား ၊ ဥာဏ်အားဖြင့် တတ်နိုင်သလောက် စောင့်ရှောက်ကူညီပေးပါ။

မိမိဘဝမှာ ရနေတဲ့ တည်ရှိနေသေးတဲ့ အရာသေးသေးလေးတွေကစ ကျေးဇူးတင်ကြည့်ပါ။

Social media မှာ တွေ့သမျှ မြင်သမျှ ဝင်ကြည့်တာ ၊ ဝင်ပါတာ လုပ်မနေဘဲ တတ်နိုင်သလောက် social decluttering လုပ်ကြည့်ပေးပါ ။

မိမိထက် သီလ ၊ သမာဓိ ပြည့်စုံသော ဆရာတော်ကြီးများ၊ မိမိရဲ့ အစောင့်အရှောက်များဆီမှ blessing ခံယူပေးပါ။

နောက်သုံးလေးနှစ်မှာ ဘာဖြစ်ချင်တယ်တွေဘာတွေ ခဏထားပြီး တစ်ရက်ချင်းပဲ အကောင်းဆုံး ရှင်သန်ကြည့်ပါ။

ညစ်ပတ်ပေပွနေတဲ့ ရွှံ့နွံထဲကနေ လှပစွာထွက်လာတဲ့ ကြာပန်းလေးတွေလိုပဲ ခက်ခဲတဲ့အနေအထားတွေမှာ ကိုယ်ထိန်းချုပ်မရတဲ့ အရာတွေကို အကောင်းဆုံး surrender လုပ်နိုင်ပြီး မိမိမှာရှိတဲ့ ကိုယ်စွမ်း၊ ဥာဏ်စွမ်းရှိသလောက် ဘဝကို ကိုယ့်စိတ်ကြိုက် ဖန်တီးနိုင်သောသူများဖြစ်ကြပါစေ

Love , Light & Abundance to you all

#DrSeinn

#InternationalCertifiedLifeCoach (IAC member ID – 70781)

#Trainer

#EnergyHealer