𝐇𝐚𝐩𝐩𝐢𝐧𝐞𝐬𝐬 𝐢𝐬 𝐧𝐨𝐭 𝐠𝐞𝐭𝐭𝐢𝐧𝐠 𝐚𝐥𝐥 𝐲𝐨𝐮 𝐰𝐚𝐧𝐭, 𝐢𝐭’𝐬 𝐚𝐛𝐨𝐮𝐭 𝐞𝐧𝐣𝐨𝐲𝐢𝐧𝐠 𝐚𝐥𝐥 𝐲𝐨𝐮 𝐡𝐚𝐯𝐞

ပျော်ရွှင်မှု (𝐇𝐚𝐩𝐩𝐢𝐧𝐞𝐬𝐬) တွေက စျေးကြီးလား ???

Oct 28 က စိမ်းရဲ့ page မှာ တင်ထားတဲ့ https://www.facebook.com/101067308353231/posts/403804451412847/?d=n 𝐇𝐚𝐩𝐩𝐢𝐧𝐞𝐬𝐬 game လေးကနေ ထောင်ချီနေတဲ့ comment တွေကို စိမ်း လိုက်ဖတ်ကြည့်ပါတယ်…. အဲ့ဒါတွေကိုဖတ်ကြည့်တဲ့အခါ ပျော်ရွှင်မှုဆိုတာ အရမ်းကိုရိုးစင်းပြီး ချစ်စရာကောင်းတာကိုတွေ့ရပါတယ်…

Comment တွေကိုကြည့်လိုက်ရင်
 လိုချင်တဲ့အလုပ်ရတာ…
 လစာလေးထုတ်လာတာ..
 ပစ္စည်းလေးတစ်ခု​ရောင်းရတာကအစ
 သား/သမီးလေးတွေနဲ့ အတူဆော့ရတာ…
 အလှူသေးသေးလေးလုပ်ရတာ…
 ပန်းပင်လေးတွေကိုကြည့်နေရတာ…
 ကိုယ်ကြိုက်တဲ့ အနုပညာရှင်တွေကို အားပေးရတာ…
 အသုပ်လေးတစ်ပွဲ … သင်္ဘောသီးထောင်း ၁ ပွဲစားရတာမျိုးတွေအပြင် နောက်ဆုံး နေကောင်းကျန်းမာ အသက်ရှင်နေတာကိုက ပျော်စရာတွေချည်းပါပဲ….

အဲ့ဒီနေ့ကပဲ စိမ်းကို ချစ်ရတဲ့ ညီမလေးတစ်ယောက်က လာပြောတာ Covid တွေစဖြစ်ပြီး အိမ်ထဲမှာနေရတော့ အဆင်မပြေတာတွေတွေး stress တွေပိပြီး လိုမှန်းမသိ မလိုမှန်းမသိ Online Shop တွေကနေ စျေးတွေလျှောက်ဝယ်မိတယ်တဲ့… ပြီးကျ တကယ်ပျော်မနေဘဲ ပိုက်ဆံတွေလျှောက်ဖြုန်းသလိုပဲ ခံစားရတယ်တဲ့… တစ်ရက် သူ့အမေက အပြင်ကပြန်လာရင်း ၅၀၀ တန်ရေခဲချောင်းလေး ဝယ်လာတော့ အဲ့ဒီရေခဲချောင်းလေးစားပြီး စိတ်ထဲပျော်သွားတာကို ခုထိမှတ်မိနေသေးတယ်တဲ့…

လူအတော်များများက ကိုယ်လိုချင်တာတွေရမှ ၊ ဘဝမှာ ဖြစ်မယ်လို့တွေးထားတဲ့အရာတွေဖြစ်လာမှ ပျော်မယ်လို့တွေးတတ်ကြပါတယ်…

အဲ့အခါ လိုသည်ဖြစ်စေ မလိုသည်ဖြစ်စေ လျှောက်ဝယ်မိတာမျိုးတွေ၊ လူအထင်ကြီးအောင် ကိုယ့် budget နဲ့မချိန်ဘဲ ပိုက်ဆံကို သုံးလိုက်တာမျိုးတွေ ၊ သူဌေးလို့ထင်အောင် သုံးပြတာမျိုးတွေအပြင် ပျော်မယ်ထင်ပြီး လောင်းကစားလုပ်တာ၊ ရေရှည်ထိခိုက်မှာကိုမကြည့်ဘဲ အရက်၊ ဘီယာ၊ ဆေးလိပ်တွေ တရားလွန်သောက်တာမျိုး၊ မလုပ်သင့်မလုပ်အပ်တဲ့နေရာတွေမှာ ပိုက်ဆံတွေသုံးပစ်တာမျိုးတွေရှိလာတတ်ပါတယ်…. Unconscious spending လို့ခေါ်ပါတယ်…အဲ့အရာဟာ ငွေကြေးမကြွယ်ဝစေတဲ့ ကိုယ့်ကိုငွေမမြဲစေတဲ့ money block တစ်ခုလည်းဖြစ်ပါတယ်…

လူမှုရေးပိုင်းမှာဆိုလည်း ကိုယ့်စိတ်ထဲအဆင်မပြေတာနဲ့ တဖက်သား ဂုဏ်သိက္ခာကျသွားအောင်၊ ဒုက္ခရောက်သွားအောင် ငွေအား လူအား အချိန်အား သုံးပြီး လုပ်တာ၊ သူများ ဒုက္ခရောက်ရင် ပျော်မယ်ထင်တာမျိုးတွေ ဖြစ်တတ်ပါတယ်…
နောက်ပြီး လူအများလုပ်နေတာပဲလေဆိုပြီး တဖက်သားအပေါ် ဟာသတွေလုပ်တာ၊ နှိမ်တာ၊ လှောင်တာကို ပျော်စရာကောင်းတယ်လို့လည်း ထင်တတ်ကြပါတယ်…

အခုပြောသွားတဲ့ အရာတွေဟာ ခဏတာတော့ ပျော်စရာကောင်းတယ်လို့ထင်ရပေမဲ့ တကယ်ပျော်ရလား မပျော်ရဘူးလားဆိုတာ ကိုယ့်ဘာသာအသိဆုံးဖြစ်မှာပါ…

“𝐇𝐚𝐩𝐩𝐢𝐧𝐞𝐬𝐬 𝐢𝐬 𝐧𝐨𝐭 𝐠𝐞𝐭𝐭𝐢𝐧𝐠 𝐚𝐥𝐥 𝐲𝐨𝐮 𝐰𝐚𝐧𝐭, 𝐢𝐭’𝐬 𝐚𝐛𝐨𝐮𝐭 𝐞𝐧𝐣𝐨𝐲𝐢𝐧𝐠 𝐚𝐥𝐥 𝐲𝐨𝐮 𝐡𝐚𝐯𝐞.” ဆိုတဲ့ စာလေးကို သိပ်သဘောကျပါတယ်…

ကိုယ်လိုချင်တာတွေ ရှိသမျှ ဘဝထဲရောက်လာမှ အဲ့ဒါတွေရအောင် အတင်းကာရောကြိုးစားအားထုတ်နေမှ ပျော်ရွှင်ရတာမဟုတ်ပါဘူး…
ပျော်ရွှင်မှုဟာ ရိုးရှင်းပါတယ်…
ပျော်ရွှင်ခြင်းဆိုတာ ကိုယ့်ရဲ့ဘဝမှာ ရှိနေတဲ့အရာတွေကို စိတ်ရှင်းရှင်း ကြည်ကြည်လင်လင်နဲ့ ချစ်တတ်… ကျေးဇူးတင်တတ်…မြင်တတ်… enjoy လုပ်တတ်ဖို့ပါပဲ …

With All my Love & Energy 
Dr Seinn
Life Coach & Trainer