ဘဝမှာ ကိုယ်တကယ်လိုချင်တဲ့ ပန်းတိုင်ကို ဖောက်ထွက်ဖို့ ၊ စစ်မှန်တဲ့ ပြောင်းလဲခြင်း (Real Life Transformation) ရဖို့ ၊ သူများစိတ်နဲ့ ကိုယ့်ကိုယ်မဟုတ်ဘဲ ကိုယ့်စိတ်နဲ့ကိုယ့်ကိုယ် နေရဖို့အတွက် အရေးကြီးတဲ့ ကျင့်သုံးရမယ့် တန်ဖိုးတစ်ခုက Courage ဆိုတဲ့ သတ္တိရှိခြင်းပါပဲ…
စိမ်း အမြဲပြောနေကြစကားရှိပါတယ်… ကိုယ့်ကိုယ်ကိုယ်ရော ၊ တခြားသူတွေကိုရော မထိခိုက်စေဘူး ဆိုရင် ဘဝမှာ ကိုယ်ကြိုက်တာ ကိုယ်လုပ်တာ ကျေနပ်စရာ အကောင်းဆုံး၊ စိတ်အလုံခြုံဆုံးပါပဲ…
အဲ့ဒီလိုလုပ်နိုင်ဖို့၊ ဆုံးဖြတ်နိုင်ဖို့အတွက် လုပ်ရဲတဲ့ ဆုံးဖြတ်ရဲတဲ့ Courage ဆိုတဲ့ သတ္တိလိုပါတယ်…
ဘယ်သူတွေ ဘာပြောပြော၊ ဘယ်လို တိုက်ခိုက်ခိုက်၊ ဘယ်လိုဆွဲချဆွဲချ ကိုယ်ယုံကြည်တဲ့ လမ်းကြောင်းကို လျှောက်ပြီး ဘဝရည်မှန်းချက်ကို သွားဖို့အတွက် သတ္တိလိုပါတယ်…
ကိုယ်မလုပ်ချင်တဲ့ အရာတွေ ၊ မလုပ်ပေးနိုင်တဲ့အရာတွေကို “No” / “ Sorry” စသည်ဖြင့် ယဉ်ကျေးစွာငြင်းနိုင်ဖို့အတွက်လည်း သတ္တိလိုပါတယ်..
ကိုယ့်အရည်အချင်း၊ ကိုယ့်တန်ဖိုးနဲ့ထိုက်တန်တယ်လို့ ယုံကြည်တဲ့အရာတွေ၊ ကိုယ့်ဆန္ဒရှိတဲ့အရာတွေကို တောင်းဆိုရဲဖို့ ပြောရဲဖို့ကလည်း သတ္တိလိုပါတယ်…
သူများစကားတွေကြောင့် ထင်ယောင်ထင်မှားဖြစ်ဘဲ ကိုယ့်ယုံကြည်ချက်တွေ ၊ တန်ဖိုးတွေ၊ စံနှုန်းတွေအတိုင်း ဘဝမှာနေနိုင်ဖို့ကလည်း သတ္တိလိုပါတယ်…
ကိုယ်နားမလည်တဲ့အရာတွေ ၊ မသိတဲ့အရာတွေကို မသိဘူးလို့ပြောနိုင်ဖို့ သတ္တိလိုသလို ကိုယ်အမှားလုပ်မိရင်လည်း အဲ့အမှားတွေ အလွဲတွေကို ရိုးသားစွာ ဝန်ခံနိုင်ဖို့က သတ္တိလိုပါတယ်..
ကိုယ့်အတွက်အဆင်မပြေတဲ့ ပတ်ဝန်းကျင်တွေ၊ energy match မဖြစ်တဲ့သူတွေ၊ Toxic Relationship တွေကနေ ရုန်းထွက်ဖို့ကလည်း သတ္တိလိုပါတယ်…
ကိုယ့်ဘဝအတွက် တကယ်အကျိုးရှိမယ့်အရာတွေကို စိတ်ထဲကသိနေပေမယ့် တကယ်လက်တွေ့လုပ်ဖို့ ၊ ရင်းနှီးမြုပ်နှံဖို့ကလည်း သတ္တိလိုပါတယ်..
နောက်ဆုံး ကိုယ့်သဘောအတိုင်းမဟုတ် အကြောင်းအကျိုးဆက်စပ်ပြီး သူ့သဘောသူဆောင်နေတဲ့ လောကဓံ အတက်အကျတွေကို တည်တည်ငြိမ်ငြိမ်ရင်ဆိုင်ဖို့ဆိုတာလည်း ရင်ဆိုင်ရဲတဲ့ သတ္တိရှိဖို့လိုပါတယ်…
အခုလို သတ္တိရှိဖို့ဆိုတာ လက်တွေ့မှာ လွယ်လားမေးရင် အရမ်းလွယ်မနေပါဘူး… ဒါပေမဲ့ ဘဝမှာ ပြောင်းလဲမှုတွေအားလုံးက ကိုယ့်ရဲ့ အတွင်းက စတာပါ.. ကိုယ့်မှာ Courage မရှိသေးဘူး ဒါမှမဟုတ် Courage နည်းနေသေးတယ်ဆိုရင် နည်းနည်းချင်းစီအစပြုကြည့်ပါ…
Courage ဟာ ဘဝမှာ နောင်တကင်းကင်း လွတ်လွတ်မြောက်မြောက်နေနိုင်ဖို့အတွက် အရေးကြီးတဲ့ အကြောင်းအထောက်အပံ့ ၊ ဖြည့်ရမယ့် တန်ဖိုးတစ်ခုဖြစ်ပါတယ်….
With All my Love & Energy
