တစ်နေ့က သူငယ်ချင်းတွေဆုံတော့ ငယ်ငယ်ကအကြောင်းတွေပြန်ပြောရင်းနဲ့ ငယ်ငယ်ကတစ်ခုခုတလွဲလုပ်မိလို့ လူကြီးတွေရဲ့ သဘောထားနဲ့မကိုက်တဲ့အခါ “အသုံးမကျဘူး” လို့အပြောခံရတဲ့အချိန်တိုင်းဝမ်းနည်းရသလို ပြန်တွေးတိုင်းလည်းခုချိန်ထိစိတ်ထဲအဆင်မပြေတုန်းပဲလို့ပြောမိပါတယ်..
စိမ်းတို့တွေဟာ လူတစ်ဦးရဲ့ အပြုအမူ (𝐁𝐞𝐡𝐚𝐯𝐢𝐨𝐫) ကို ကိုယ်မကြိုက်တဲ့အခါတိုင်း အပြုအမူကို ဦးတည်မပြောဘဲ လူနဲ့အပြုအမူကိုရောပြီး တစ်ဖက်သားကို ပြောလေ့ရှိပါတယ်.. ဥပမာ ဒီအရွယ်ရောက်ပြီး ဒါလေးတောင်မလုပ်တတ်ဘူးလားတို့ အသုံးမကျဘူးတို့ အဖြစ်ကိုမရှိဘူးတို့ဆိုတဲ့ စကားတွေဟာ ပြောတဲ့သူအတွက် လွယ်ကူပေမယ့် အပြောခံရသူအဖို့ စိတ်ထဲမှာ နာကျင်စေတဲ့စကားတွေပါပဲ.. အထူးသဖြင့် မိဘကနေသားသမီးကိုပဲဖြစ်ဖြစ် ဆရာ/ဆရာမကတပည့်ကိုပဲဖြစ်ဖြစ် ချစ်သူ၊အိမ်ထောင်ဖက်၊ မောင်နှမ စတဲ့ကိုယ်ချစ်ခင်ရတဲ့သူတွေကပြောရင် ပိုခံစားရပါတယ်..
စိမ်းတို့ဟာ လူနဲ့ အပြုအမူ ကို ခွဲခြားပြီးကြည့်တတ်ဖို့လိုပါတယ်… လူဟာ နေရာတိုင်း 100% မပြည့်စုံနိုင်ပါဘူး… ဥပမာ အိမ်သာရေဆွဲချဖို့မေ့တတ်သူတစ်ယောက်ကို ရေဆွဲချဖို့မမေ့ဖို့ နောက်ဝင်တဲ့သူကိုအားနာဖို့စတဲ့ သူ့ရဲ့ အပြုအမူကိုမပြောဘဲ “အိမ်သာတက်ပြီးတာတောင် ရေမဆွဲချဘူး အကျင့်ကိုကမကောင်းတာ” ဆိုတဲ့အပြောမျိုး၊ ပစ္စည်းတစ်ခုသုံးပြီးသူ့နေရာတကျပြန််မထားတတ်သူကို သူ့နေရာသူမရှိတဲ့ ပစ္စည်းဟာလိုအပ်ချိန်ရှာရခက်တဲ့အကြောင်းမဆွေးနွေးဘဲ “ပစ္စည်းကိုင်ပြီးကြုံသလိုထားတာပဲ.. အသုံးကိုမကျဘူး” ဆိုတဲ့အပြောမျိုးတွေဟာ လူတစ်ယောက်ရဲ့ အပြုအမူကိုပြောတာ ဆွေးနွေးတာမဟုတ်ဘဲ လူကို ဝေဖန်အပြစ်တင်တဲ့စကားမျိုးတွေပါ..
အဲ့ဒါဟာ ကလေးငယ်တွေကိုပြုစုပျိုးထောင်နေတဲ့ မိဘတွေအတွက်လည်း အင်မတန်အရေးကြီးပါတယ်… ကလေးရဲ့အပြုအမူကိုမကြိုက်ရင် အဲ့အပြုအမူကိုပဲ မကြိုက်ကြောင်းဆုံးမတာမျိုးပဲ လုပ်သင့်ပြီး ကလေးကိုမချစ်တော့ဘူးတို့ အသုံးမကျဘူးတို့ဆိုတာ ကလေးစိတ်ဒဏ်ရာရစေတဲ့စကားမျိုးတွေဖြစ်ပါတယ်…
စိတ်ပညာအရလည်း လူနဲ့အပြုအမူနဲ့ကိုရောချပြီး အပြစ်တင်ဝေဖန်ခံရတာများလာရင် ခဏခဏ အသုံးမကျဘူး အဖြစ်မရှိဘူး အပြောခံရပါများရင် အပြောခံရသူရဲ့မသိစိတ်ထဲမှာ ငါဟာ အသုံးမကျသူပဲလို့အလိုလိုသတ်မှတ်လိုက်တဲ့အတွက် မိမိကိုယ်ကို တန်ဖိုးထားအကောင်းမြင်ခြင်းဆိုတဲ့ 𝐒𝐞𝐥𝐟-𝐞𝐬𝐭𝐞𝐞𝐦 လည်းလျော့ကျလာပြီး ကိုယ်တိုင်တောင်သတိမထားမိဘဲ သိမ်ငယ်စိတ်ဝင်တတ်ပါတယ်…
People are not their behaviors တဲ့… စိတ်ဒဏ်ရာ (𝐓𝐫𝐚𝐮𝐦𝐚)တွေကင်းပြီး 𝐌𝐞𝐧𝐭𝐚𝐥𝐥𝐲 ရော 𝐒𝐨𝐜𝐢𝐚𝐥𝐥𝐲 ရော ပိုပြီး Healthy ဖြစ်ဖို့ဆို လူ(𝐏𝐞𝐫𝐬𝐨𝐧)နဲ့အပြုအမူ (𝐁𝐞𝐡𝐚𝐯𝐢𝐨𝐫) ကိုခွဲပြီးမြင်နိုင်ဖို့ အင်မတန်အရေးကြီးပါတယ်… 💚
💚 15thJuly2020 💚
With all my Love & Energy
#DrSeinn
#LifeCoachAndTrainer
#MindsetEnergyFrequency
#InspirationalThoughts
