How to face Covid 19 3rd Wave

ခုချိိန်မှာ အရှိုက်ပြင်းပြင်းရိုက်ချလိုက်တဲ့ လောကဓံတစ်ခုကို စိမ်းတို့အားလုံးရင်ဆိုင်နေရပြန်ပါပြီ…. ကိုယ်တိုင် ကိုယ့်မိသားစု ကိုယ့်ပတ်ဝန်းကျင်မှာ နေမကောင်းသူတွေ အကူအညီမရသူတွေ မနက်ကနေ ညအထိ oxygen ရှာနေရသူတွေ ကိုယ့်အသိတွေထဲကရော မသိတဲ့သူတွေရော တဖြုတ်ဖြုတ်ကြွေလွင့်သွားသူတွေနဲ့ စိတ်မချမ်းသာစရာ နေ့ရက်များပါပဲ… လူတိိုင်း ကိုယ်ပူချင်သလို၊ အသက်ရှူမဝသလို၊ ဖျားချင်သလိုနဲ့လည်း ကိုယ့်ဘာသာ psycho ဝင်လာကြပါတယ်… လူတိုင်းဟာ ထုတ်မပြောတာ မဖော်ပြတာသာရှိမယ်.. ပျော်မနေကြပါဘူး.. ကြည်လင်မနေကြပါဘူး… စိတ်ညစ်တာ ၊ ဝမ်းနည်းတာ၊ ပူဆွေးတာ စတဲ့ negative feeling ပေါင်းစုံအပြင် ဘာကိုကြောက်နေမှန်းမသိတဲ့ Fear of unknown ကိုပါရင်ဆိုင်နေရပါတယ်…ဖြစ်ပြီးခဲ့တာတွေရယ် မဖြစ်သေးတာတွေရယ်ကို ကြိုတွေးပြီး mental breakdown တွေဖြစ်လာကြတာပါ… ဒီလိုကာလကြီးကို ဘယ်လိုဖြတ်သန်းကြမလဲ ??ကိုယ့်ကိုယ်ကိုယ်ချစ်ပါ.. ဂရုစိုက်ပါ.. Self-love and care အရေးကြီးပါတယ်.. ကိုယ့်ကိုယ်ကိုယ် အားရှိအောင်နေပါ.. အပြည့်အဝ ကာကွယ်ပါ…ကျန်းမာအောင်ဂရုစိုက်ပါ…ကိုယ့်ကိုယ်ကိုယ် ဂရုစိုက်တာ စောင့်ရှောက်တာဟာ ကိုယ့်မိသားစု၊ ကိုယ့်ပတ်ဝန်းကျင်ကိုဂရုစိုက်ရာ၊ စောင့်ရှောက်ရာရောက်ပါတယ်… အရာအားလုံးဟာ ကိုယ်ကစတာပါ.. ကိုယ့်စိတ်ကို ပျော်အောင်နေပါ.. ပျော်မနေဘူးဆိုပေမဲ့ လျှောက်တွေးပြီး စိတ်ကျနေတာဟာ အတွေးတွေထဲမြောနေတာဟာ စဉ်းစားကြည့်ရင် ဘာအကျိုးမှမရှိပါဘူး… ကိုယ်ခံအားလိုပဲ စိတ်ခွန်အားဟာအရေးကြီးပါတယ်.. စိတ်ညစ်ရင် stress hormone တွေထွက်လာလို့ကိုယ်ခံအားလည်း ထိခိုက်ပါတယ်….တစ်ရက်ချင်းသာ စဉ်းစားရှင်သန်ပါ… မကောင်းတဲ့ ခံစားချက်တွေဟာ အတိတ်နဲ့အနာဂတ်ကို တွေးပြီးဖြစ်လာတာပါ… ခုချိန်၊ ခုရက်ကိုသာစဉ်းစားပါ… ဒီနေ့ ဘာအကောင်းဆုံးလုပ်နိုင်မလဲတွေးပြီး အဲ့အရာတွေကိုသာအာရုံစိုက်ထားပါ….ဖြစ်လာသမျှ တည်တည်ငြိမ်ငြိမ်ရင်ဆိုင်ပါ… မြတ်စွာဘုရားက လူဖြစ်တာ ဘဝဖြစ်တာ ပဋိသန္ဓေစတည်းက သေဆုံးတဲ့အထိဒုက္ခသစ္စာလို့ပဲသင်ကြားခဲ့တာပါ… အဲ့အတွက် ကြုံလာသမျှ ဒုက္ခတွေကို ကိုယ်ရဲ့ ကိုယ်စွမ်း ဥာဏ်စွမ်းရှိသလောက် ရင်ဆိုင်ရမှာပါပဲ… ရင်ဆိုင်ရတာခက်ပေမဲ့ ကြိုးစားရမှာပါပဲ…ချစ်ပေးပါ… နေ့မြင်ညပျောက်လောကကြီးမှာ ကိုယ့်ဘေးနားကလူတွေကို တတ်နိုင်သမျှချစ်ပေးပါ.. တတ်နိုင်သမျှ အားပေးပါ…တတ်နိုင်သမျှကူညီပေးပါ… ချစ်ခြင်းမေတ္တာဟာ အကြီးဆုံး energy ပါ…ခံစားချက်တွေဖိစီးလာတဲ့အခါ စိတ်ကိုအရမ်းလိုက်မထိန်းချုပ်ပါနဲ့… လိုက်ထိန်းချုပ်ရင် ပိုမွန်းကျပ်ပါတယ်.. ဖြစ်လာတဲ့ခံစားချက်တွေလက်ခံပေးပါ.. ငိုချင်ငိုချလိုက်ပါ.. မကျေနပ်တာတွေ ၊ ခံပြင်းတာတွေကိုကိုယ့်သူငယ်ချင်းတွေနဲ့ပြောချင်ပြောချလိုက်ပါ… ဘယ်သူ့မှမထိခိုက်ဘဲနဲ့ letting go လုပ်ပြီး ကိုယ့်ခံစားချက်တွေကို ထွက်ပေါက်ပေးပါ… မိမိယုံကြည်ကိုးကွယ်ရာဘာသာတရားအလိုက်ကုသိုလ်ပြုပါ… လက်ရှိကံ၊ ပစ္စုပ္ပန်ကံကကိုယ့်လက်ထဲမှာရှိပါတယ်.. အတိတ်ကြွေးတွေနည်းသမျှနည်းအောင် ချေဖျက်ဖို့က ကိုယ့်လက်ရှိကုသိုလ်ကံနဲ့ပြုပြင်မှရမှာပါ… ရေများရေနိုင်မီးများမီးနိုင်မို့ ကုသိုလ်တွေနေ့စဉ်ဖြည့် သစ္စာပြုကြပါ… Everything is not permanent… ဘယ်အရာမှမမြဲတာမို့ အချိန်တန်ရင်ပြီးသွားမှာပါလို့နှလုံးသွင်းထားရင် အနည်းနဲ့အများစိတ်သက်သာရာရမှာပါ…ဒီကာလကြီးကို ကြံ့ကြံခံရင်ဆိုင်ပြီး ရှင်သန်နေအာင် ကိုယ်တွေဘယ်လိုကြိုးစားဖြတ်ကျော်ခဲ့ကြောင်း တစ်နေ့မှာကိုယ့်မိသားစု ကိုယ့်မိတ်ဆွေ ကိုယ့်သားသမီးလေးတွေနဲ့ ကျန်းကျန်းမာမာနဲ့ ရယ်မောပြီးပြန်ပြောကြတာပေါ့