အခုတလော သင်တန်းကိစ္စတွေနဲ့ အလုပ်တွေ မများတဲ့ အချိန်မှာ ကိုယ့်ရဲ့ inner journey ကိုအတော်အချိန်ပေးပြီးသွားဖြစ်ပါတယ်… အခုတလောဆို ၁ ရက်ကို စုစုပေါင်း ၃ နာရီလောက်ကိုတရားမှတ်ဖြစ်နေတယ်… တရားထိုင်တယ် meditation လုပ်တယ်ဆိုတာ ကိုယ့်အတွက် consciousness ရအောင် သတိကပ်အောင် စိတ်ကိုလေ့ကျင့်တာပဲဆိုတော့ ရုပ်တွေ စိတ်တွေ ပြောင်းပြောင်းသွားတာကို ကြည့်ရှုသူ (observer) အနေနဲ့ကြည့်ရတဲ့ သဘောပါပဲ… တစ်ရက်မှာ တရားထိုင်ပြီး ၁၀ မိနစ်လောက်နေတော့ ငယ်ထိပ်က အတော့်ကိုယားတယ်.. ယားတာကိုမှတ်နေရင်းနဲ့ကို ဖြတ်ခနဲလက်နဲ့ကုတ်ချင်စိတ်ပေါ်လာအောင်ကိုယားတာ… ဒါပေမဲ့ သေချာသတိထားရင် ယားတာ အတိုးအလျော့ရှိသလို မှတ်ရင်းနဲ့ ခဏကြာတော့ ယားတာလည်း ပျောက်သွားတာပါပဲ… အဲ့လိုပဲ တစ်ရက်မှာ ထိုင်နေရင်း ရုတ်တရက် ဝမ်းနည်းသလိုတွေဖြစ်လာပြီး အဲ့ဝမ်းနည်းနေတဲ့စိတ်ကိုမှတ်ရင်းနဲ့ နောက်တစိတ်က ပေါ်လာတော့ ပျောက်သွားတာပါပဲ.. ကိုယ့်ရဲ့ ရုပ်နဲ့စိတ်ကို သတိကပ်ပြီး ကြည့်ရှုတဲ့အခါ သေးသေးကြီးကြီး ဘယ်အရာမှ အမြဲမဖြစ်တဲ့ (permanent ) မဖြစ်တဲ့ လောကသဘာဝဟာ သိပ်ထင်ရှားတာပါပဲ.. စိမ်းတို့ ဗိုက်သိပ်ဆာနေတုန်းထမင်းအရမ်းစားချင်ပေမဲ့ အားရပါးရစားပြီးရင် ခုနတုန်းက ဘယ်လိုဆာတာလဲပြန်စဉ်းစားရင် အဲ့ခံစားချက်ကို အတိအကျ ထပ်တူ မမှတ်မိနိုင် … မသိနိုင်တော့ပါဘူး… အဲ့အတွက် ဘဝမှာ ကောင်းတာဖြစ်ဖြစ် ဆိုးတာဖြစ်ဖြစ် အကြာကြီး တသက်လုံးမဖြစ်ပါဘူး.. အထူးသဖြင့် ဘဝမှာ ကောင်းတာထက်စာရင် အဆိုးတွေကြုံတွေ့ရတဲ့အခါ ၊ မမျှော်လင့်တာတွေဖြစ်လာတဲ့အခါ ၊ ဝမ်းနည်းပူဆွေးမှုတွေ ခံစားရတဲ့အခါ အချိန်တွေကပိုကြာတယ်လို့ ထင်တတ်ကြစမြဲပါပဲ.. အဲ့ဒီလိုခံစားရရင် ဘယ်အရာမှ မမြဲတဲ့ အနိစ္စသဘော လောကသဘာဝကို ဆင်ခြင်နှလုံးသွင်းနိုင်ရင် အနည်းနဲဲ့အများတော့ စိတ်သက်သာရာရမယ် heal ဖြစ်နိုင်မယ်လို့မျှော်လင့်ပါတယ်….
Everything is not permanent ပါ အသံဖြင့် နားထောင်ရန်
Telegram link – https://t.me/drseinnlifecoachandtrainer/40
YouTube link – https://youtu.be/GG-Bnz9l8pk
With All my Love & Energy
Dr Seinn Life Coach & Trainer
