ကိုယ့်ဘဝမှာ စိတ်ပင်ပန်းတာတွေ၊ စိတ်အတက်အကျတွေများနေတဲ့အချိန်ဆိုရင် တစ်ရက်ချင်းစီကို balancing ဖြစ်အောင်နေတတ်ဖို့အရေးကြီးပါတယ်…စိမ်းတို့ နေ့စဉ်ဘဝမှာ ဘယ်အရာမဆို အစွန်းမရောက်ဖို့ ၊ balance ဖြစ်ဖို့လိုပါတယ်… Balance မဖြစ်တဲ့အခါ ပိုပြီး stress များလာပြီး ကိုယ့်စိတ်ကို ညှဉ်းဆဲရာလည်း ရောက်ပါတယ်… စိတ်ထောင်းကိုယ်ကြေဆိုသလိုပေါ့…အခုလို လူတိုင်းနီးပါး stressful ဖြစ်နေတဲ့အချိန်ဟာ ကာလတစ်ခုရှိနေပြီမို့ ကိုယ့်ရဲ့စိတ်ကို ပြန်ပြီး balance လုပ်ပေးဖို့ stress-out လုပ်ပေးဖို့ လိုအပ်ပါတယ်… မဟုတ်ရင် အမြဲ စိတ်ညစ် စိတ်ပင်ပန်းတာတွေချည်းပဲ ဆက်တိုက်တွေးနေမယ် ၊ လုပ်နေမယ်ဆိုရင် ကိုယ်ကထုတ်လွှတ်လိုက်တဲ့ လှိုင်းတွေကမကောင်းတော့တဲ့အတွက် ဒီ့ထက်ပိုပြီးစိတ်ညစ်စရာကောင်းတဲ့ negative circumstances တွေကိုပဲ ကိုယ့်ဘဝထဲ ဆွဲခေါ်မိလာပါလိမ့်မယ်… စိတ်ဆိုတာ ကလေးလေးလိုပဲ ပြုစုပေးဖို့ အာဟာရဖြည့်ပေးဖို့လိုအပ်ပါတယ်.. တစ်နေ့ (၂၄)နာရီမှာ ကျန်တဲ့ လုပ်စရာရှိတဲ့အလုပ်တွေ၊ ကိုယ်တာဝန်ရှိတယ်လို့ ခံယူထားတဲ့အလုပ်တွေလုပ်ရင်းနဲ့ပဲ ကိုယ့်စိတ်လေးကြည်နေဖို့ vibration မြင့်ဖို့အတွက် ဘယ်သူ့ကိုမှ မထိခိုက်စေဘဲ ကိုယ်စိတ်ပျော်မယ့် အရာလေးတွေကိုလည်း တစ်နေ့ တစ်ခုလောက်တော့ လုပ်ပေးဖို့လိုပါတယ်.. အဲ့ဒါဟာ -သူငယ်ချင်းတွေနဲ့ စကားပြောတာ- music နားထောင်တာ- ယောဂဆော့တာ – အားကစားတစ်ခုခုလုပ်တာ-လမ်းလျှောက်တာ- အပင်လေးတွေပြုစုတာ -စားစရာလေးတွေလုပ်တာ- စာဖတ်တာ- သီချင်းနားထောင်တာ – ရုပ်ရှင်ကြည့်တာ – meditation လုပ်တာ- သိုးမွှေးထိုးတာ- ကလေးနဲ့ဆော့တာ – pet လေးတွေနဲ့ဆော့တာ စသည်ဖြင့် အမျိုးမျိုးဖြစ်နိုင်ပါတယ်.. အဲ့ဒီလိုလုပ်မှသာ အားကုန်နေတဲ့ battery ကိုဖြည့်သလို အားပြန်ပြည့်လာပြီး ကိုယ်လုပ်စရာရှိတာကိုလည်း high vibration နဲ့ energy အပြည့်နဲ့ပိုလုပ်နိုင်ပါလိမ့်မယ်.. ကြုံတွေ့လာရတဲ့ အခြေအနေတွေကလည်း ပိုကောင်းပါလိမ့်မယ်… Life is all about balancing ပါ …. ကိုယ်လုပ်စရာရှိတာလည်းလုပ်သလို ကိုယ်ချစ်တဲ့ ပျော်တဲ့အရာတွေအတွက်လည်း ခဏလောက်အချိန်လေးပေးပြီးလုပ်ကြည့်ပါ…
With All My Love & Energy
Dr Seinn Life Coach & Trainer
Photo : Google